राजर्षि जनक विश्वविद्यालयका ११ जना शिक्षक पक्राउ

काठमाण्डौ – जनकपुरधामस्थित राजर्षि जनक विश्वविद्यालयका ११ जना शिक्षक पक्राउ परेका छन् ।

स्थायी गर्नुपर्ने माग गर्दै बिगत ४ महिनादेखि आन्दोलनरत शिक्षकहरु विश्वविद्यालयको केन्द्रिय कार्यालयको मुलगेटमा तालाबन्दी गर्ने गरेका छन् । तर विश्वविद्यालय प्रशासनले प्रहरी लगाएर फोड्ने गरेका छन् ।

सोही क्रममा प्रहरी र आन्दोलित शिक्षकबीच तनाब भएपछि प्रहरीले हस्तक्षेप गरी उनीहरुलाई पक्राउ गरेको हो ।

तालाबन्दी खुलाउन गएको प्रहरीलाई आन्दोलनरत शिक्षकहरुले अबरोध गर्न खोजेपछि पक्राउ गरिएको धनुषाका प्रहरी प्रवक्ता डिएसपी जितेन्द्र बस्नेतले जानकारी दिए ।

पक्राउ परेका शिक्षकहरुलाई जिल्ला प्रहरी कार्यालय धनुषामा राखिएको छ । स्थापनाकालदेखि पेपर कोर्स कन्ट्रयाकमा काम गरिरहेका ३५ जना आंशिक शिक्षकहरु स्थायी नियुक्तिको माग गर्दै गत साउन २४ गतेदेखि आन्दोलन गर्दै आएका छन् ।

Leave a Reply

Your email address will not be published. Required fields are marked *